Jorida Tabaku: Raporti i komisionit hetimor për inceneratorët më 7 mars, do të jenë dy të ndryshëm

Raporti i komisionit hetimor parlamentar për inceneratorët do të dalë në datën 7 mars dhe me shumë gjasa do të jenë dy raporte përfundimtare.

Kryetarja e komisionit hetimor, Jorida Tabaku tha se përfundimet nuk mund të jenë të përbashkëta me mazhorancën, sepse opozita “s’kemi për t’i dhënë dot mbrojtje politike tre kriminelëve që sot janë në kërkim e marrin fonde nga buxheti i shtetit dhe ndërkohë që flasim”.

“Ne në raportin përfundimtar do i tregojmë shqiptarëve cdo fakt e provë që kemi mbledhur. Bej me dije se në 7 mars ky komision do sjellë raportin përfundimtar.

Duhet të jetë i përbashkët, une s’do e paragjykoj që do kemi dy raporte të ndara por e sigurt që ato mendime që ndajmë nuk do konvergjojnë në një raport se kurrë s’kemi për t’i dhënë dot mbrojtje politike tre kriminelëve që sot janë në kërkim e marrin fonde nga buxheti i shtetit dhe ndërkohë që flasim“, tha Tabaku.