Jorida Tabaku: Të bllokojmë shembjen e godinës së Teatrit

PD-ja në sulm ndaj prishje se godinës së Teatrit. Artistët janë mbledhur edhe gjatë ditës së sotme për të protestuar, dhe për të mbledhur firmat për peticionin ‘Mbro Teatrin’. Ditën e sotme kësaj proteste iu bashkua edhe deputetja e PD-së, Jorida Tabaku, e cila firmosi dhe peticionin ‘Mbro Teatrin’.

Sipas saj ligji i për teatrin në parlament ka një emër biznesmeni mbrapa. Ndërkohë u ka bërë thirrje qytetarëve që të ngrihen në një revoltë të fuqishme dhe të ndalin vjedhjen e qytetit.

‘Unë vij nga një familje e vjetër Tiranasë. Në këtë vend ka ekzistuar dyqani i gjyshit tim, i cili u prish nga komunistët në 1944. Pas vitit 2000 u fshinë dhe shumë gjëra të tjera në këtë vend duke u betonizuar. Qyteti pak nga pak po prishet

Pak nga pak po zhduket. Unë nuk dua të prishet teatri. Unë dhe labana Vokshi e kemi kundërshtuar prishjen e Teatrit. Historia e ligjeve që vijnë në emër biznesmenshë duhet të zhduket. Veliaj ka frikë ta miratojë vetë, prandaj e sjell vetë.

Ka ardhur koha që me reagim të fortë qytetar ti themi ‘JO’ prishjes dhe grabitjes së qytetit. Qëndrimi i PD-së, është, që nga nesër fillojmë luftën për të mos lejuar Prishjen e Teatrit. Këtu flitet për vjedhje dhe për grabitje’, tha Tabaku.