Kancelari i Austrisë: Nuk mund të jap siguri për negociatat

Kancelari i Austrisë, Sebastian Kurz deklaroi se do të mbështesim Shqipërinë në rrugëtimin e saj për në Bashkimin Europian.

Në një deklarat për media me kryeministrin Edi Rama, kancelari i Austrisë Sebastian Kurz tha gjithashtu se me kryeministrin shqiptar diskutoi për emigracionin ilegal dhe rrugën nga Shqipëria që po ndjekin klandestinët nga lindja.

“Të gjitha vendet e Ballaknit kanë nevojë për një perspektivë Europiane. Më parë ka pasur tensione për shkak të probleme etnike apo të tjerave politike. Stabiliteti në Ballkan do të thotë më shumë siguri dhe stabilitet edhe në vendin tonë. Folëm për emigracionin ilegal dhe rrugën nga Shqipëria që po ndjekin klandestinët nga lindja. Dëshiroj ta falënderoj Ramën, që në Shqipëri është gatishmëria për të luftuar emigracionin ilegal”,- tha ai.

Kancelari shtoi se “Shqipëria ka nevojë dhe e ka merituar edhe mbështetjen tonë. Rama më kërkoi ta mbështes dhe unë i kam premtuar mbështetje financiare për Shqipërinë dhe vendet e tjera që janë në rrugën e re të Ballkanit për të luftuar emigracionin ilegal. Do ta mbështesim me policë të rinj, por edhe në fusha të tjera. Së bashku me Ministrin e Brendshëm që së bashku me partnerët e tjerë që të ndalojmë fluksin e emigrantëve. Negociatat? Nuk mund të jap siguri të qartë për këtë, ka disa shtete që për shkak të problemeve të tyre të brendshme e kanë të vështirë të thonë ‘PO’ por ka një dëshirë të plotë që Shqipëria të vijojë rrugën e reformave. Ka një mundësi të mirë që të shkojmë në rrugën e reformave.

Kryeministri Edi Rama po zhvillon një vizitë zyrtare në Austri, ndërsa është takuar me homologun e tij Sebastian Kurz. Në takim u fol për integrimin dhe bllokimin e rrugës së trafikut të emigrantëve nga Lindja në Perëndim.