KËRKESA/ Dy ministret e Ramës thirren me urgjencë në interpelancë ditën e enjte. Ja për çfarë

Dy ministre të kabinetit qeveritar ‘Rama2’ do të ngjiten këtë të enjte në foltoren e Kuvendit, pasi është kërkuar interpelancë.

Burime nga Kuvendi bëjnë me dije për “BalkanWeb” se ministrja e Arsimit Lindita Nikolla është thirrur në interpelancë nga LSI lidhur me çështjet e arsimit të lartë, ndërkohë që ministrja e Shëndetësisë, Ogerta Manastirliu është thirrur nga PS për kontrollin shëndetësor.

Kujtojmë se javën e kaluar opozita thirri në interpelancë ministrin e Infrastrukturës dhe Energjetikës Damian Gjiknurin, për të dhënë ‘llogari’ për procedurat me inceneratorët.