Korçarët bllokojnë rrugët/ Salianji: Rama do përballet me ligjin

Mosbindjen Civile në Korçë e drejton ish deputeti i PD-së Ervin Salianji dhe zyrtarë të tjerë të opozitës. Salianji është shprehur se, sa më shumë të vonohet qeveria transitore, e kërkuar nga opozita, aq më shumë rriten kostot për kryeministrin Edi Rama.

“Qeveria tranzitore sa më shumë të vonohet do të ketë kosto më të madhe për kryeministrin Rama që do të përballet me forcën e ligjit. Si të gjithë diktatorët e tjetër, jo vetëm për korrupsionin, por edhe për kostot që po i jep Shqipërisë në këto vite”, u shpreh për Syri.net Ervin Salianji.