Kryebashkiaku i Fierit ”rrëfehet” te Komisioni për Inceneratorët: Kam pasur kontakte me Klodian Zoton

Kreu i Bashkisë së Fierit, Armand Subashi pas marrjes në pyetje nga SPAK, këtë mbrëmje ka dalë përpara Komisionit Hetimor për të dëshmuar lidhur me inceneratorët.

Gjatë dëshmisë para deputetëve, ai ka bërë me dije se ka pasur kontrakte me Klodian Zoton, person sot i shpallur në kërkim për inceneratorët në SPAK.

“Kam pasur komunikim 2-3 herë me Klodian Zoton. Momenti kur filluam të depozitonim mbledhjen të impiantin e ri dhe kemi bërë biseda në kuadrin teknik së bashku me persona që kanë administruar impianit. Një bisedë teknike si do shkojnë, si do i depozitojnë, mbetjet dhe për orarin, se ne kemi kërkuar që impianti të punojë gjatë natës dhe kemi gjetur dakordësinë”.