Kryeministri Edi Rama sulmoi sot kandidatin e PD-së për deputet Fidel Kreka, duke e quajtur “çyryk”. Teksa u takua me mbështetës të PS në Maliq, Rama iu përgjigj edhe akuzave të thëna se ofendon burrat duke u thënë çyryk.
“Si mund të shkohet në kënetë, çfarë ka atje se më treguan një video pak më parë, një deputet këtu i kënetës një Fidel Fidel, hajde hajde, hajde mendje hajde, hajde muhabete hajde, hajde çyryk hajde.
Por kur thonë Rama ofendon burrat se u thotë çyryk, e them unë po prit, unë them kështu “PS nuk mundet dot, është e kotë, sepse PS e mbështesin 56% e grave dhe vajzave të Shqipërisë”.
Ndërkohë që tek burrat jemi më ngushtë në diferencë me kënetën sepse gjysma e burrave nuk janë mirë, mund të jenë në rregull në punën e përditshme, dalin shkojnë, ja ai i farmacisë atje më duket se është i PD-së, shet ilaçet, është në rregull, por po hyri tek politika është çyryk ai nuk sheh, nuk kupton. Do kënetën, ai është çyryk, më pëlqen sepse ngrihen ata deputetët dhe bëjnë statuse thonë s’jemi çyryk, por si mund ta thotë “ai që thotë nuk jam, vetëm çyryk është”, tha Rama.