Kryeministri Rama krah Mike Pompeo. Firmoset marrëveshja për gazifikimin e Shqipërisë

U nënshkrua sot Morandumi i Mirëkuptimit mes Overgas dhe Albgaz për gazifikimin e Shqipërisë.

Kryeministri Edi Rama ishte i pranishëm gjithashtu me ish-Sekretarin e Shtetit, Mike Pompeo, gjatë firmosjes së projektit.

“Me Sekretarin e Shtetit, Mike Pompeo, në një tjetër hap të rëndësishëm drejt përmbushjes së vizionit #Shqipëria2030 eksportuese neto e energjisë

Furnizimi me gaz përmes Terminalit të Ri, që do të ngrihet në Vlorë, tanimë po zgjon interesa të shumanshme”, shkruan kryeministri në rrjetet sociale.

Ministrja e Infrastrukturës Belinda Balluku tha se projekti i furnizimit me gaz përmes Terminalit të Ri, që do të ngrihet në Vlorë, ka tërhequr dhe Maqedoninë e Veriut dhe Kosovën për t’u bërë pjesë e saj.