“Ku do e lëmë pra?”/ Rama përgjigjet “Po” për tetë kërkesat: Por me dialog

Kryeministri Edi Rama është përgjigjur me “Po” për tetë kërkesat e studentëve. Në një postim në Instagram, kreu i qeverisë ka publikuar një letër ku ka shkruar me stilolaps përgjigjen për tetë pikat duke iu thënë “Po” studentëve. Por të gjitha këto sipas kryeministrit realizohen vetëm me dialog.

Nga ana tjetër studentë japin ultimatum se do përshkallëzojnë protestën, ndërsa kreu i qeverisë i fton ata në dialog. “Protestat nuk mund të zhbëjnë ABC-në e demokracisë”, ka qenë refreni i kryeministrit Rama, duke mbështetur njëkohësisht protestën dhe kërkesat e studentëve, por zgjidhje sipas tij mbetet ulja në tryezën e dialogut.