Lufta TV/ Fevziu me studentët, Topi dhe Dudushi me Ramën

Protesta e 7 ditore e studentëve ka ndarë keq edhe televizionet më të mëdha dhe qëndrimet e tyre editoriale. Sonte në darkë në ora 22 00, ende pa përfunduar ndeshjet e Champion League, dy TV më të mëdhenj të vendit do ti kushtojnë vëmendjen e tyre protestave studentore. Në Opinion tek Fevziu do të diskutojnë analistë dhe një grup i madh studentësh protestues.

Ndërsa ngjarja me sa duket do të ndodhë në Top Shoë të Alban Dudushit. Edi Rama që rrefuzohet prej 7 ditësh nga studentët për negociata, do të gjejë në Top Channel Opozitarë të shpikur.

Edhe dje në Opinionin e Fevziut edhe sot gjatë protestës para ministrisë, studentët i kanë fishkëllyer dhe i kanë quajtur tradhëtarë të kauzës së tyre, Ata që do të bëjnë protestuesin fallco tek Top Channel.

Një mori e pafundme reagimesh në rrjet kanë bërë humor me këtë shfaqe bajate që i hidhet si komardare shpëtimi kryeministrit.

Por edhe po të hamendësosh për një moment, se Top Channel, do të kryejë misionin gazetaresk, pra të përballë kryeministrin me kundërshtarët e tij, ai nuk ka gjetur arbitrin e duhur. Sepse drejtuesi i këtij emisioni të vështirë, që duhet ta drejtonte një gazetar i paanshëm është Alban Dudushi, i cili sot duhet të bëjë të pavarurin mes eprorit të tij Rama dhe studentëve. Ai paguhet nga qeveria, si pjestar i bordit të AMSH-së, agjensisë që ndan fondet për shoqërinë civile ku gjendet edhe këshilltari mediatik i kryeministrit, Endri Fuga.

Pra ajo që po bën Topi, pasi transmetoi dje emisionin “Open” me titull “A po përçahen studentët?” është dyfish e dyshimtë. Ai po i ncjerr Ramës bashkëbisedues me legjitimitet të cënuar, sepse studentët nuk i pranojnë si përfaqësues të protests dhe se dyti ia ka lënë moderimin një arbitri që paguhet nga njëra palë.

Në luftën e ashpër të audiencës nuk dihet se cili do të fitojë këtë radhë, por peshorja morale këtë herë rëndon krejtësisht në anën e Fevziut dhe të protestuesve realë.

Lapsi.al