Mandati i Armando Prengës ‘mollë sherri’ për LSI-në, Gjok Buna: Më takonte mua

Politikë E Mërkurë, 19 Maj 2021 10:29

Mandati i deputetit të Amando Prengës është bërë ‘mollë sherri’ brenda radhëve të LSI-së.

Pasi KQZ i la mandatin Petrit Gjonit, që vjen nga kampi i LSI-së, Gjok Buna ka paraqitur një ankesë në Kolegjin Zgjedhor, duke kundërshtuar kështu vendimin.

Buna, edhe ky nga radhët e LSI-së, ka kërkuar që të shfuqizohet vendimi që i dha mandatin Gjonit, kjo pasi ai pretendon se i takon atij me ligj ky post. Ndërkohë, mësohet se seanca për shqyrtimin e kërkesës së Bunës do të mbahet nesër në orën 12:00. Prenga hoqi dorë nga mandati i tij si deputet, të cilin e mbante që prej 2013-ës.
/BW