Manjani: Jam plotësisht dakord me propozimet e Bashës

Kryedemokrat Lulzim Basha, ditën e sotme ka mbajtur një fjalim në Kuvendin Kombëtar të PD-së ku renditi propozimet themelore të kësaj partie.

Ish-Ministri Ylli Manjani, në një reagim në Facebook shprehet se është plotësisht dakord me propozimet Bashës, kryesorja për politikë të lirë dhe të dekriminalizuar.

Reagimi i Ylli Manjanit:

“Jam plotësisht dakort me propozimet themelore të Kryetarit të Partisë Demokratike:

Politikë e lirë, konkurruese dhe e dekriminalizuar.
2. Shtet të së drejtës të depolitizuar e të drejtë.
3. Ekonomi me treg të lirë, konkurruese dhe me shance të barabarta.
4. Arsim perëndimor me cilësi.
5. Kujdes social për çdo individ.
Plotësisht dakort edhe me idenë që nuk është fjala “të ndërrojmë Edi Ramën me Lulëzim Bashën, por të ndërrojmë mendësinë qeverisëse në shërbim të interesit publik”.