Ministri turk në Tiranë: Shkëmbimet tregtare të kapin vlerën e 1 miliard euro

Shkëmbimet tregtare dhe investimet turke në Shqipëri ishin në qendër të diskutimeve që zhvilloi ministri i jashtëm i Turqisë me një grupi investitorësh.

Ministri i Jashtëm i Turqisë Mevlut Cavusoglu, shprehu edhe një herë interesin që ka Turqia për investime potenciale në Shqipëri në të gjithë sektorët.

Sipas tij duhet që të vijojnë negociatat dhe bashkëpunimi që vlerën e shkëmbimeve tregtare nga 411 milionë euro ta shpien në një miliardë euro.

Deklaratat e ministrit turk u bënë gjatë një takimi  me anëtarët e Dhomës së Tregtisë dhe Industrisë Shqipëri – Turqi (ATTSO), ku i pranishëm ishte edhe ambasadori i Republikës së Turqisë në Tiranë, Murat Ahmet Yörük.