Ministri Xhafa niset për Itali. Të gjithë me vesh në krah për qëllimin e vizitës

Ministri Fatmir Xhafa është nisur për në Itali. Mediat po hamendësojnë për këtë vizitë të pa paralajmëruar nga zyra e shtypit e ministrisë. Në ditët kur nga Italia po mbërrijnë dosje për çështjen e dosjes së ish-ministrit të brendshëm Saimir Tahiri në lidhje me hetimet e prokurorisë së Catanias, nisja papritur e ministrit Xhafa ka hedhur në tregun mediatik në darkë se ai ka shkuar për të negociuar me porosi të kryeministrit Edi Rama për të mbyllur vargun e zarfave me dosje që po vijnë nga Italia për hetimin e deputetit Tahiri.

Por një burim i “Koha Jone” tregon se ministri Fatmir Xhafa ndodhet në këto momente në Trieste (Itali) në krah të ministrit të brendshëm italian zotit Cutillo në takimin e ministrave të brendshëm të BE.

Por prapë dyshimet mediatike thonë se mundet, natën, ministri i brendshëm të niset për Catania për të gjetur mënyra bllokimi për hetimin e ish-ministrit Tahiri.

Flitet nga burime që nuk duan të identifikohen se ministri i brendshëm shqiptar është në survejim të plotë nga shërbimet intelegjente shqiptare se me cilët takohen në Itali. Mësohet se tre agjentë sekretë shqiptarë ndodhen në Trieste, ku ndodhet Ministri Xhafa.