Ministrja Elisa Spiropali për incidentin: Ekuipazhi i Lufthansës nuk e ka ditur se ishte kryeministër

Ministrja Elisa Spiropali te “Zonë e lirë” me Arian Çanin ka folur edhe për lajmin e sotëm në lidhje me incidentin me kryeministrin Rama në Frankfurt.

“E ka sqaruar Endri Fuga, kanë kërkuar ndjesë anëtarët e ekuipazhit. Lajmi është i vjetër, para shumë muajsh. Më duket krejt e parëndësishme tani, përderisa vetë kompania ka kërkuar falje. Këtu mbyllet. Në kohë pandemie edhe pilotët, edhe anëtarët e ekuipazhit kanë qenë të stresuar.
Ky nuk është lajm për t’u mërzitur. Mesa kuptoj është një keqkuptim nga anëtarët e ekuipazhit që nuk e kanë ditur se me kë kanë të bëjnë”, deklaroi Spiropali.