Negociatat në 2019, Ambasada e SHBA-së: Shqipëria të rris ritmin e reformave

Ambasada e SHBA-së në Tiranë, ka reaguar pas vendimit të BE-së, se për Shqipërinë dhe Maqedoninë, çelja e negociatave të anëtarësimit do të ndodh në vitin 2019.

Në një mesazh të postuar në rrjete sociale, Ambasada vë theksin tek vijimi i reformave kyçe, si ajo e Drejtësisë, lufta kundër krimit dhe korrupsionit. Nga ana tjetër, Ambasada e SHBA-së vlerëson vendimin, por theksin e vë tek ritmi i reformave.

”Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar”.