Negociatat, Shehi: Ne s’jemi për Europën. Jemi me lugë bosh!

Kreu i LZHK-së, Dashamir Shehi ka komentuar sot nga foltorja e Kuvendit vendimin e BE-së për çeljen e negociatave për Shqipërinë.

“Ne s’jemi shtet për Europën. Jemi me lugë bosh!”– është shprehur ai.

Shehi vijon të thotë se as vitin tjetër nuk do të ketë garanci, pasi Europa mund të mos ketë të njëjtën ndjekje të çështjes me Ballkanin.

“Kjo është ditë e keqe dhe dikush duhet të mbajë përgjegjësi për këtë punë dhe jo të na tregojnë kalendarin, që unë nuk kuptova gjë, por vetëm vështirësinë që ka për dialog”, ka shtuar ai.

Kreu i LZHK-së thotë mes të tjerash se Shqipëria është lënë jashtë negociatave pasi nuk e meriton.

“Sepse ata nuk mund t’i gënjesh. Kanë para drogën, korrupsionin, dhe gjykuan që ju shqiptarë të nderuar 4-5 kushtet t’i bëni 13.”