Negociatat, Vasili: Rama bind veten përpara shtëpisë që digjet

Nga: Petrit Vasili

Kryeministri absolutisht më i dobët dhe më i paaftë i Shqipërisë në të gjithë historinë e saj u çmend përfundimisht. I sëmurë psikik tipik ai flet me vehten dhe sheh ëndrra se si u hapën negociatat që u mbyllën për Shqipërinë.

Është budallëpsur krejt dhe budallenjtë, që ka përqark nuk i flasin dot. Nuk i kujtojnë as budallëqet që ka thënë po vete. Europa dje nuk i hapi negociatat. Europa vuri dje një mal me kushte poshtëruese, por të vërteta si krimi, trafiku i drogës, mbrojtja e banditëve të inkriminuar të qeverisë, zgjedhjet e vjedhura dhe dekapitimin e drejtësisë.

Europa nuk ofroi asnjë mundësi të afërt si psh dhjetori. Europa e çoi problemin pas zgjedhjeve të saj të 2019, ku edhe ajo vetë është e paqartë me vehten e jo më me Shqipërinë. Praktikisht trenin e Europës e humbëm për shkak të një të çmenduri në krye të qeverisë, që do të ikë, por që po i le pas vendit një rrugë të kompromentuar rëndë të integrimit europian.

Kushdo që ka memorje të përgjumur, qofte në shqip, por edhe në anglisht, po ju kujtoj çka ka thënë kryederdimeni i qeverisë në parlament në prill të 2018 për rekomandimin.

Rama në parlament: “KE nuk bën dhurata, morëm rekomandim të pastër e pa kushte. “Rekomandimi pa ekuivok i KE-së është një dëftesë që mishëron kryerjen e detyrave në funksion të çeljes së negociatave për anëtarësim. Më tej kryeministri shtoi:”Rekomandimi i KE-së, është dokumenti që tregon që ne i kemi bërë një për një të gjitha detyrat”.

Dje Shqipëria ka marrë përgjigjen më të hidhur nga Europa dhe vetëm një i marrë si ky kryeministër, mund të qeshë si budalla kur shtëpia ka marrë flakë anembanë.