Nisin hetimet për anëtarë e financues të FETO-s. Emra mjekësh, drejtues shkollash e analistë në listë

Fill pas kërkesës së Presidentit turk Erdogan në takimin me kryeministrin Rama dhe më pas edhe në Parlament, që të ndëshkohen anëtarët e FETO-S në Shqipëri, kanë filluar hetimet.

Lista e sjellë nga shërbimet turke të intelegjencës japin emra të anëtarëve, bashkëpunëtorë e financues të FETO-s në Tiranë. Lista ka emra mjekësh, drejtues shkollash, analistë mediatikë etj., të cilët po mbahen nën survejim nga institucionet ligjzbatuese shqiptare.

Por problemi mbetet se disa janë emra të njohur dhe mund të krijojnë probleme për qeverinë shqiptare, nëse ndalohen nga policia.

Burimet treguan se janë në plan për tu mbyllur kolegje, shkolla etj. që pala turke ka sjellë informacione zyrtare se janë të financuara nga Gylen, armiku i Presidentit turk.