Nxënësja e Liceut: Drejtoresha e PS na mbylli dyert, unë dola nga dritarja në protestë

Një gjimnaziste, në vitin e dytë për pikturë në Liceun Artistik, tha dje gjatë protestës në një prononcim për T7, se drejtoresha e shkollës që është me bindje të majta të Partisë Socialiste nuk i ka lejuar nxënësit të dalin në protestë, Nxënësja tha se bashkë me disa miq të saj janë detyruar të dalin nga dritaret për të qenë njësh me kauzën e studentëve.

Sot mijëra studentë janë mbledhur përpara Ministrisë së Arsimit paralelisht me shokët e tyre që po këndojnë në kor një marsh përpara Kryeministrisë. Në protestë janë edhe nxënësit e shkollave të mesme.

Situata është ndezur në të dyja sheshet, ndërkohë që nuk ka ende asnjë vendim të marrë nga qeveria për të plotësimin e kërkesave të të rinjve.