Opozita bojkoton ceremoninë për ambasadoren Vlahutin

Në një ceremoni zyrtare, ambasadorja e BE-në Tiranë, Romana Vlahutin dhe ai i SHBA-ve, Donald Lu, të cilëve u mbaron mandati dhe së shpejti do të largohen nga Shqipëria, sonte do të ndahen me njerëzit me të cilët kanë bashkëpunuar në këto vite me misionin e ngarkuar në vendin tonë.

Mësohet se opozita e ka bojkotuar praninë në ceremoninë e ambasadores Vlahutin.

Në ceremoni ishin ftuar grupet parlamentare të partive politike, përfaqësue të qeverisë, njerëz nga arti, media dhe shoqëria civile.

Dy ditë më parë presidenti i SHBA-së Donald Trump propozoi Kathleen A. Kavalec për ambasadore në Shqipëri, duke zëvendësuar Donald Lu, ndërsa në vend të Vlahutin, BE dërgon në Shqipëri Luigi Sorecan.