Opozita “pushton” foltoren, PS miraton pr/ligjet dhe largohet

Opozita ka vijuar me të njëjtin skenar si në dy seancat e fundit plenare, edhe në seancën e sotme në Kuvend.

Seanca është ndërprerë disa herë, pasi deputetët e opozitës kanë bllokuar foltoren.

Opozita është “ngujuar” te foltorja e Kuvendit nuk pranon të largohet, ndërsa kreu i grupit parlamentar të LSI, Petrit Vasili, ka vijuar të flasë edhe pasi Ruçi i ka ndërprerë fjalën, pasi i ka mbaruar koha. Ruçi i dha fjalën Taulant Ballës, i cili foli nga vendi, ndërsa Vasili vijonte të fliste pa mikrofon.

Teksa ky i fundit vazhdoi të fliste dhe më pas fjalën e mori deputeti Dashamir Shehi, mazhoranca vijoi me miratimin e rendit të ditës. Shumica ka miratuar e vetme pr/ligjet e rendit të ditës dhe është larguar nga salla, ndërsa opozita vijon të qëndrojë në foltore dhe të transmetojë live nga ‘Facebook’ fjalimet.