Opozita vijon me strategjinë e bllokimit të kuvendit

Seancë normale në kuvend nuk ka. Edhe këtë të enjte, opozita do të vijojë me strategjinë e saj politike për të bllokuar seancën parlamentare.

Mësohet se kreu i PD-së, Lulzim Basha në fjalën e tij do të vazhdojë të përqendrohet tek kërkesa e opozitës për dorëheqjen e ministrit Xhafaj, ndërsa gjasat janë që të bllokohet sërisht foltorja.

Seanca e kësaj të enjte, vjen fill pas protestës së opozitës dhe pas incidente të ndodhura gjatë tubimit tek ministria e Brendshme.

Ndëra dje, të rinjtë e Forumit Rinor të Partisë Demokratike (FRPD) dhe Lëvizjes Rinore për Integrim (LRI) zhvilluan protestën e dytë para godinës së Ministrisë së Brendshme. Ndaj organizatorëve të protestës nisi edhe një procedim penal për zhvillim tubimesh të jashtëligjshme.