Pandeli Majko reagon për shkrimin e “Koha Jonë”

Kandidati për deputet i PS-së në vendin e 19-të në Tiranë, Pandeli Majko, ka reaguar për shkrimin e sotëm të gazetës “Koha Jonë”, që analizonte skemat e Edi Ramës për spastrimin e PS nga emrat me kontribute në partie.

Majko këmbëngulë se renditja e emrit të tij në “vijën e zjarrit” (e thënë ndryshe pozicion humbës që në nisje të garës) ka si qëllim fitoren e PS.

Mesa duket dhe nga reagimi, vetëm ish-kryeministri Pandeli Majko nuk e ka kuptuar arsyen e vërtetë se përse Edi Rama e ka vendosur në vendin e 19-të.

Postimi i plotë i Pandeli Majkos në Facebook:

“Sot gazeta “Koha Jonë”, 10 ditë para datës 1 prill, ka “zbuluar” se Pandeli Majko ka paralajmëruar humbjen e pushtetit nga Partia Socialiste!

Në shkrim “shkëlqen” konkluzioni: “…Pas kësaj interviste dhe më 26 prill kur del rezultati, Pandeli Majko do marrë dy diplomat e tij për gjetur punë në qeverinë e re PD-LSI.”

https://arkiva.kohajone.com/pandeli-majko-nese-nuk-rizgjidhem…/

Për ata që bëjnë sikur nuk e kuptojnë, vendosja e emrit tim në “vijën e zjarrit” në renditjen e listës së kandidatëve për deputetë ka vetëm një qëllim. Ky qëllim është i njëjtë në çdo qark të Shqipërisë me shokët e mijë të vendosur në këtë pozicion. Ai ka të bëjë me synimin për të fituar zgjedhjet nga Partia Socialiste dhe jo e kundërta.

Për hir të së kaluarës së vet, gazeta ”Koha Jonë” nuk duhet t’ja lejojë vetes të kthehet në një varrezë ambiciesh!”.