Pas sherrit Majko rikthehet në Kuvend, por mungon Rama

Të enjten e shkuar, Ministri për Diasporën, Pandeli Majko, pati një debat me Kryeministrin Edi Rama për projektligjin që parashikon shembjen e godinës së Teatrit Kombëtar. Pas kësaj, ai u largua nga salla e Kuvendit duke mos votuar.

Por në seancën e kësaj të hëne, Majko ka vendosur të jetë në Kuvend. Siç shihet edhe në foto, Majko është ulur në vendin e tij të zakonshëm ndërkohë që kryeministri Edi Rama nuk ishte i pranishëm.

Me vijimin e seancës, ku opozita nuk është e pranishme, pritet të shihet edhe ballafaqimi i parë në publik mes Ramës dhe Majkos pas përplasjes së të enjtes.