Patozi: Një lajm i mirë nga kongresi i Lulit

Ish-deputeti demokrat Astrit Patozi ka ironizuar vendimin e Lulzim Bashës për mbledhjen e Këshillit Kombëtar të PD. Në një shënim në Facebook, Patozi shprehet se ky është një laj i mirë, ndërsa u kujton demokratëve të Bashës se në takimet e Veliajt për mbjelljen e pemëve kanë marrë pjesë më shumë anëtarë të Këshillit të PD-së, sesa anëtarë të Komitetit Drejtues të PS.

“Një lajm i mirë nga kongresi i Lulit. Më mori në telefon një demokrat i entuziazmuar dhe më tha se “e dëgjoi Luli këshillën e doktorit, do ta mbledhë Këshillin Kombëtar përpara Kongresit”.

Dakord mo, i thashë, lajm i mirë qenka, por më rezulton se janë më shumë anëtarë të Këshillit Kombëtar të Partisë Demokratike, se sa anëtarë të Komitetit Drejtues të PS, ata që kanë dalë në televizor këto ditë duke mbjellë pemë me Lali Erin”,- shkruan Astrit Patozi.