PD: Hetim për Bibliotekën Kombëtare

Partia Demokratike ka reaguar mbi dëmtimin e librave në Biblotekë Kombëtare.

“Selia blu”  përmes deputetëve Hekuran Hoxhalli dhe Romeo Gurakuqi, thotë se mungesa e shkarkimeve të ujërave nëntokësore, të punimeve në shesh, janë bërë shkak i futjes së ujit.

“U përmbytën dhe institucionet përeth tij. U dëmtua  gjithë kjo pasuri  kombëtare , materiale me vlera të pazëvendësueshme të biblotekës kombëtare. Teksa flitet të mbrojmë ose jo Historinë e Teatrit  njëherë e mbysim dhe një herë e përvëlojmë Historinë e Shqipërisë, duke ja zhdukur thesaret e veta.

“Ministria e Kultures duhet urgjentisht të japë dorheqjen  de jure se de fakto  e ka dhënë prej kohësh, Në Tiranë funksionet e saj I kryen Ministri I Agjitacion Propogandës Erion Veliaj( I quajtur ndryshe Aladini me jorgan magjik) dhe nëpër rrethe sejmenë të tjerë të kryeministrit”, shprehet deputeti Hoxhalli.

Ndërkohë Gurakuqi theksoi se i është drejtuar parlamentit me kërkesa të vazhdueshme për një Bibliotekë të re Kombëtare dhe të një Arkiv Qëndror modern.

“Punimet në shesh, përballë hyrjes së Bibliotekës ka bllokuar rrjedhjen e ujërave nëntokësore.

E kam kërkuar disa herë në Parlament dhe gjatë diskutimit të buxhetit të shtetit, por kemi hasur në vesh të shurdhët”, tha Gurakuqi.