“PD lidhje me Rusinë”, Manjani: Të gjithë bëjnë si Trump-ista. Shqiptarëve po u ofrohet propagandë

Debati mes Partisë Socialiste dhe asaj Demokratike në lidhje me kompaninë e lotimit në fushatën elektorale të zgjedhjeve të fundit parlamentare të pajtuar nga kryedemokrati Lulzim Basha është komentuar nga ish-ministri i Drejtësisë Ylli Manjani.

Përmes një reagimi në faqen e tij zyrtare në rrjetin social “Twitter”, Manjani rikthen në vëmendje akuzat mëhershme të demokratëve të cilët akuzonin kryesocialistin Edi Rama për lidhje me financime të dyshimta të tij nga biznesmeni shqiptaro-amerikan Sali Rusi duke i krahasuar ato me akuzat e tanishmëve të socialistëve për lidhje të PD-së me Rusinë.

“Ramën e akuzuan se financoi Salë Rusin. Bashën e akuzojnë se financohet nga Rusi (jo Sala).  Të gjithë bëjnë si Trump-ista! Ndërkohë Shqiptarëve u ofrohet  propagandë, ndërsa u kërkohet vizë për të shkuar në Amerikë.  Çfarë politike!”- thekson ish-ministri Ylli Manjani në reagimin e tij.