PD refuzoi pritjen e lamtumirës së Lu-së e Vlahutin, shkak ”vila e drogës”

Deputetët e Partisë Demokratike, refuzuan të merrnin pjesë mbrëmjen e së enjtes, në pritjen e ambasadorëve të BE-së, Romana Vlahutin dhe të SHBA, Donald Lu, me rastin mbarimit të mandatit të tyre në Shqipëri.

Burime nga PD-ja bëjnë me dije për Politiko.al, se një nga shkaqet kryesore të refuzimit të opozitës për të marrë pjesë në ceremoninë e lamtumirës së ambasadoreve Lu dhe Vllahutin është organizimi i saj në vilën e blerë nga ambasadorja e BE.

Sipas burimeve nga PD-së, vila është blerë prej Romana Vllahutin nga një trafikant droge.

Ky është një standard që ndoqën deputetet gjermanë në Berlin për të refuzuar darkën me kryeministrin Edi Rama në një ambjent ekskluziv të quajtur ”China Club”. Vendi i zgjedhur prej Ramës është nën hetim për aktivitetit ndërkombëtar të pastrimit të parave.