PD: Vjen vërdallë nëpër Shqipëri duke u treguar gënjeshtar

Partia Demokratike ka reaguar pas takimit që ish-kryeministri Sali Berisha zhvilloi Lezhë me mbështetësit e tij demokratë.

Në një deklaratë të publikuar edhe në rrjetet sociale, PD shkruan se “Berisha vjen vërdallë nëpër Shqipëri duke treguar gënjeshtra”.

Ndër të tjera PD thotë se demokratët e shqiptarët e panë me 8 janar fytyrën e vërtetë të Sali Berishës.

“I braktisur nga demokratët, me hallin qe sa vjen dhe i rritet, Sali Berisha vjen vërdallë nëpër Shqipëri duke treguar gënjeshtra. Demokratët dhe Shqiptarët e panë me 8 janar fytyrën e vërtetë të Sali Berishës, urdhëruesit të dhunës mbi PD.

Demokratët dhe Shqiptarët nuk kanë kohë për të humbur me një mashtrues kronik. Demokratët kanë zgjedhur të ardhmen, shqiptarët duan dhe meritojnë një jetë më të mirë!”-shkruan PD në deklaratë.