Përgjimet, PD: Tahiri, pjesë e grupit kriminal që trafikon kanabis

Partia Demokratike, këtë të premte përmes deputetit Enkelejd Alibeaj, hodhi akuzën se ish-ministri i Brendshëm Saimir Tahiri, provohet të jetë pjesë e një grupi kriminal.

”Nga përgjimet e autoriteteve italiane, provohet se Saimir Tahiri dhe Jael Çela, drejtor i Policisë së Vlorës, janë pjesë e një grupi të strukturuar kriminal, me qëllim trafikimin e kanabisit nga Shqipëria në Itali”,-tha Alibeaj në deklaratën për shtyp.

Por për PD, Tahiri është i mbrojtur politikisht nga kryeministri Rama, pasi ky i fundit mabn pushtetin me kanabizimin e vendit.

“Por, këto prova janë bërë të pavlefshme deri tani sepse ish-ministri i Brendshëm ka mbrojtje politike. Me vendimin për të mbrojtur Tahirin, Edi Rama nuk mbron thjesht ministrin e Brendshëm, por pushtetin e tij që i ka rrënjët në kanabizimin e vendit”, theksoi Alibeaj.

Deputeti demokrat shtoi se “kostoja e imunitetit politik për Tahirin mund të rezultojë shumë e lartë për shqiptarët, përsa kohë BE kërkon Saimir Tahirin përpara drejtësisë në mënyrë që Shqipërisë t’i hapen negociatat”.