Piramida e Tiranës, qendra më e madhe e teknologjisë digjitale në Ballkan

“Piramida e Tiranës – Bashkë me Michael Granoff, kryetar i bordit të Fondacionit Shqiptaro-Amerikan për Zhvillim, për të parë nga afër ecurinë e punimeve tek Piramida, e cila do të shndërrohet në qendrën më të madhe të teknologjisë digjitale të Ballkanit, ku të rinjtë do të kenë mundësi të zhvillojnë ambiciet e tyre në fushën e IT, robotikës, dizajnit”– shkruan Edi Rama.

Ndërkohë kryebashkiaku i Tiranës, Erion Veliaj poston shënimin: “Me miq të mirë të Shqipërisë si Michael Granoff dhe AADF të cilët po na japin një dorë për ta kthyer Tiranën në një histori suksesi. Falë këtij bashkëpunimi po ecim para me punën te Piramida për ndërtimin e qendrës më të MADHE të teknologjisë së informacionit në rajon”.