Plagoset me thikë Kryetari i Bashkisë Divjakë

Plagoset me thikë Kryetari i bashkisë Divjakë, Fredi Kokoneshi.

Kokoneshi pas një debati me shtetasin E. Xh. është goditur me thikë nga ky i fundit, i cili ka qenë punonjës në bashkinë e Divjakës.

Mësohet se ai po dërgohet në spitalin e Lushnjës dhe është jashtë rrezikut për jetën.

Bëhet e ditur se Kokoneshi është goditur me thikë në shpatull dhe në krahë. Mes tij dhe autorit ka pasur fillimisht një debat të ashpër, që ka degjeneruar më pas në sherr fizik dhe Xhelili ka qëlluar Kokoneshin me thikë. Shoferi i tij ka ndërhyrë për t’i ndarë, por është goditur dhe ai.