Presidenti Meta bashkë me familjen pranë personave me aftësi të kufizuara

E diela e Pashkës ka mbledhur besimtarët katolikë edhe në Arqipeshkivinë Metropolitane Tiranë-Durrës, por të gjithë janë suprizuar kur aty mbërriti Presidenti i Republikës së Shqipërisë, së bashku me familjen e tij.

Vetë Kreu i Shtetit ka ndarë me ndjekësit e tij në rrjetin social facebook, emocionet e kësaj dite të bekuar, pranë personave me aftësi të kufizuara.

”Në këtë ditë të bekuar të ringjalljes së shpresës e besimit, së bashku me familjen time, përjetova një përvojë emocionuese dhe të paharruar, duke kremtuar Pashkët katolike, bashkërisht me personat me aftësi të kufizuara dhe të afërmit e tyre në Arqipeshkvinë Metropolitane Tiranë-Durrës”,-shkruan Presidenti Ilir Meta.