Presidenti Meta në Berat: Të rinjtë do të udhëheqin mbështetjen për kauzat sociale

Presidenti Ilir Meta ishte sot në Berat, i pranishëm në aktivitetin e bashkisë së këtij qyteti për dhurimin e gjakut.

Duke vlerësuar kontributin për dhurimin e gjakut, Presidentit Meta shprehet se solidariteti i banorëve do të sjellë më shumë mbështetje për kauzat sociale.

“Një ditë e mrekullueshme sot në Berat, ku pata kënaqësi të merrja pjesë në një seancë dhurimi gjaku të organizuar nga Bashkia e qytetit. Falënderoj kryebashkiakun, z.Petrit Sinaj dhe në veçanti dhjetëra qytetarët beratas për solidarizimin me këtë kauzë humane. I bindur se të rinjtë, me energjinë e tyre do vijojnë të udhëheqin mbështetjen për kauzat sociale”,- shkruan Presidenti Ilir Meta.