Presidenti Trump do presë modelen Kim Kardashian

Politikë E Martë, 10 Gusht 2021 05:39

Modelja e njohur Kim Kardashian do të jetë mysafire në Shtëpinë e Bardhë pasditen e të mërkurës. Ajo do të takojë presidentin Donald Trump, për t’i kërkuar falje për një gjyshe 63-vjeçare, që po vuan dënimin e përjetshëm në burg.

Modelja e njohur do të përdorë emrin e saj për të bindur Trumpin të firmosë lirinë e Alice Marie Johnson, që vuan burgimin prej më shumë se dy dekadash, pas problemesh me drogën.

Më herët Kim e ka diskutuar këtë problem edhe me dhëndrin e Trump, Jared Kushner, që mendohet t’i ketë mundësuar seks-simbolit takimin me presidentin.