Pritet të mblidhet sot komisioni për Reformën në Drejtësi

Komisioni i Posaçëm për Reformën në Drejtësi pritet të mblidhet ditën e sotme.

Kryetari i komisionit të posaçëm për reformën, Fatmir Xhafaj ka njoftuar deputetët për një mbledhje të mundshme, por pa caktuar një orë të saktë, pasi mbetet në pritje të draftit të rishikuar mbi bazën e ndryshimeve të fundit kushtetuese.

Gjithashtu, burime thanë se Euralius po punon për këtë gjë pasi ky është një draft i hartuar nga ekspertët e Euralius dhe drejtoria e ligjshmërisë në Bruksel, si dhe nga Opdat i Departamentit të Drejtësisë së SHBA-së.