Prokuroria ofron marrëveshje pastrueses së 525 mijë eurove: Fol dhe të lirojmë djalin nga qelia!

Në këmbim të dëshmisë së sinqertë dhe zbulimit të pronarit të eurove, prokuroria ka ofruar tek Rozeta Dobi dhe zbutjen e masës së sigurisë së djalit të saj, Havier Dobi, me qëllim lirimin e tij nga burgu. Të dyja ofertat tashmë janë dhënë dhe pritet vetëm dëshira e të arrestuarës Rozeta Dobi, nëse pranon të flasë ose jo, përballë prokurorëve.

Dobi së bashku me djalin e saj, prej ditës së shtunë janë mbyllur në burg, si persona që kanë bashkëpunuar me njëri-tjetrin në vjedhjen e një shumë prej 525 mijë eurove. Sipas dosjes hetimore, zyrtarja kallëzimin e ka bërë pasi familjarët kanë konstatuar se banesa ishte e hapur dhe e shkatërruar.

Prokuroria i ka ofruar marrëveshje Rozeta Dobit, por ajo akoma nuk ka pranuar të tregojë të vertetën e 525 mijë eurove dhe të lirojë djalin nga burgu.