Publikohet foto e takimit të Nar Kokës me Edi Ramën

Intv.al publikon foton ku duket kryeministri Rama dhe Nar Koka duke darkuar së bashku

Janë bërë pjesë e realitetit denoncimet e ish-kryeministrit Berisha nëpërmjet “qytetarit dixhital” dhe nëse keni menduar që nuk ka qenë i saktë në ndonjë prej tyre, këtu kemi provën për një prej postimeve të fundit ku e akuzuan se gënjeu.
Dy ditë më parë, Berisha, me anë të një postimi në Facebook ka publikuar mesazhin e qytetarit dixhital, i cili zbulon një takim sekret të kryeministrit Rama me Leonard Kokën (Ose Nar Koka siç njihet).
Sipas qytetarit, kryeministri ka zhvilluar një takim prej 4 orësh me Nar Kokën, njeriu që negocioi mes tij dhe Ilir Metës vite më parë, ku u konsumua darka e famshme e “Ngjalave”. Nar Koka njihet për miqësinë e tij me kryeministrin Rama.
Ja postimi i ish-kryeministrit Berisha.

Por Nar Koka ka reaguar ndaj akuzës së Berishës me anë të kësaj fotoje, ku ai pretendon se ne fakt po darkonte në ato momente me bashkëshorten e tij. Madje për herë të parë, Nar Koka, i ka komentuar direkt Berishës në Facebook duke e përgënjeshtruar ‘Qytetarin Dixhital”.
“Doktor hera parë që shkruaj koment në fcb, jam me gruan time. Qytetari dixhital të ka genjyer”, i shkruan Nar Koka në komente Berishës.
Mirëpo në redaksinë e intv.al ka ardhur fotoja ku duket kryeministri Rama dhe Nar Koka duke darkuar së bashku pikërisht atë natë.