Qëllohet me armë një redaksi gazete në SHBA, ka viktima

Disa persona dyshohen të jenë vrarë si pasojë e të shtënave me armë zjarri, të raportuara vetëm pak çaste më parë në redaksinë e një gazete, në Maryland të Shteteve të Bashkuara.

Ngjarja raportohet të ketë ndodhur në redaksinë e lajmeve të gazetës “Capital Gazzette” në Annapolis, nga ku thuhet se të paktën 4 persona kanë mbetur të vdekur dhe më shumë se 20 persona kanë mbetur të plagosur.

Autori i dyshuar mendohet të jetë kapur nga policia, sipas njoftimit të një sherifi të zonës në rrjetin social Twitter, por detaje të mëtejshme ende nuk dihen. Në vendngjarje kanë shkuar forca të shumta policore.