Rama, takim informal me ministrat dhe Kryesinë

Kryeministri Edi Rama do të mbledhë ditën e nesërme kabinetin qeveritar dhe kryesinë e grupit në një takim informal.

Mësohet se në këtë takim do të bëhet një analizë e punës së bërë nga kabineti dhe do të diskutohen projektet në zhvillim.

Ky takim zhvillohet me afrimin e datës 12 mars, afat për depozitimin në KQZ të listave të kandidatëve për deputetë.

Përgjegjësinë për hartimin e listës e kanë drejtuesit politikë në qarqe, të cilët më pas do ta paraqesin në Kryesi nga ku do të dalin edhe listat përfundimtare.

Drejtuesit në qarqe do të jenë pjesë e listës së mbyllur.