Shqipëria në BE? Varhelyi: Tentativë në fund të dhjetorit, por nuk votoj unë

Komisioneri për Zgjerimin në Bashkimin Europian, Olivier Varhelyi, tha se data e mundur mbi fillimin e bisedimeve për anëtarësimin e Shqipërisë është fundi i dhjetorit, ”por nuk jam unë që votoj, unë jam ai që përpiqem të bind vendet për të votuar. Unë po përpiqem që të lëvizim gjërat, që të arrijmë këtë afat, por nuk është vetëm në dorën tonë”.

Varhelyi iu përgjigje dhe pyetjes mbi ndarjen e mundshme të çështjeve të Shqipërisë me Maqedoninë e Veriut. Sipas tij, është shumë e qartë që dy vendet i kanë plotësuar kushtet bashkë, ne duam që edhe marrëveshja të bëhet për të dyja vendet bashkë.

”Ky është dhe qëndrimi i pjesës më të madhe të vendeve anëtare dhe në këtë fazë, ne mund t’i konsiderojmë vetëm si bashkë dhe do të punojmë që të pranohen bashkë nga të gjithë vendet anëtare”.