SPAK aksion në 4 qytete të vendit! Leshohen 32 urdhër-arreste për krim të organizuar

SPAK po kryen një aksion kundër krimit të organizuar në disa qytete të vendit, ndërsa burime bëjnë me dije se janë 32 masa arresti të ekzekutuara deri tani. Policia po vijon aksionin në Tiranë, Durrës, Elbasan dhe qytete të tjera.

Në Elbasan në orët e para të mëngjesit, FNSH ka zbarkuar në qytet. Mësohet se me urdhër të SPAK janë 10 persona të cilët pritet që të arrestohen. Këta persona janë të dyshuar si anëtare të grupeve kriminale që drejtojnë qytetin e Elbasanit. Mes personave që pritet të ndalohen janë dhe disa oficerë të cilët dyshohet se kanë bashkëpunuar me grupet kriminale duke shpërdoruar detyrën.