SPAK-u kërkon 2 vit e 6 muaj burg për ish-drejtorin e RTSH-së, Thoma Gëllçi

SPAK-u kërkon dënimin 2 vite e 6 muaj burg për ish-drejtorin e RTSH-së, Thoma Gëllçi.

Gëllçi akuzohet për abuzim me tenderat e RTSH-së.

Ai do të vuajë një të tretën e dënimit prej gjykimit të shkurtuar. Kështu nëse Gjykata pranon pretencën e Prokurorisë së Posaçme dënimi 2 vite e 6 muaj nga gjykimi i shkurtuar shkon në 1 vit e 8 muaj burg.

Po kështu Prokuroria e Posaçme kërkon për Alban Malavecin, Julian Tapian dhe Ervin Muraj dënimin me 12 muaj burg për shkelje të barazisë në tendera.

“Kërkoj deklarimin fajtor të të pandehurit Thoma Gëllçi për kryerjen e veprës penale “Shpërdorim detyre” dhe dënimin e tij me dy vjet e gjashtë muaj burg. Në aplikimin e nenit 406 të Kodit Penal, dënimin e tij me 1 vit e 8 muaj burgim”, thuhet në kërkesën e Prokurorisë.