Studentët nuk dorëzohen, nis grumbullimi para kryeministrisë

Protesta e studentëve ka kaluar javën e saj të parë. Një javë rezistencë paqësore e studentëve përpara Ministrisë së Arsimit, por që nga mbrëmja e djeshme ata janë zhvendosur para kryeministrisë.

Këtë të mërkurë studentët kanë thirrur një protestë të heshtur, vetëm me libra dhe fletë të bardha, pa parulla dhe as thirrje në kor. Por mësohet se ka nisur grumbullimi para kryeministrisë, duke iu bashkuar atyre që vendosën të kalojnë natën edhe pse temperaturat ishin nën minus.