Tirana me bllok sigurie, godinë e re për të arrestuarit e policisë

Jo më në komisariate, por një godinë e re tashmë do të presë të gjithë të arrestuarit dhe të ndaluarit e komisariateve të Tiranës, deri para daljes në gjykatë, për t’u mësuar me masën e sigurisë.

Kjo godinë që është investim i Policisë së Shtetit, e që është emëruar “Blloku i Sigurisë” është drejt përfundimit dhe ndodhet ngjitur me burgun “302” në kryeqytet, në rrugën “Mine Peza”.

Mbipopullimi në komisariate për personat e ndaluar dhe të arrestuar është problem prej vitesh i Policisë së Shtetit, i ngritur nga Avokatit të Popullit dhe Komitetit Shqiptar të Helsinkit.

Këto kushte të vështira e bënë situatën më tragjike mbrëmjen e 26 marsit, kur Arben Mici u vuri flakën qelisë duke u vetëflijuar nëKomisariatin nr. 5 në Kamëz.