Udhëtoi me Audin e ”Habilajve”? Gjebrea s’i duron thumbat e Nokës

Çështja ”Tahiri” prej ditës së djeshme, ka të përfshirë edhe emrin e deputetes së PS-së, Elona Gjebrea.

Thuhet se Gjebrea ka udhëtuar me ish-shefin e saj, Saimir Tahirin në kohën që ai ka qenë ministër i Brendshëm dhe ajo zv/ministre, me makinën Audi që Tahiri ua kishte shitur Habilajve.

Kaq ka mjaftuar dhe sot në Komisionin e Ligjeve ka shkaktuar debat. Deputeti i PD-së, Flamur Noka, me ironi ka hedhur kunja ndaj deputetes Gjebrea.

”Ky është buxheti i krimit, buxheti i Habilajve. Kanë dalë emrat konkret. Apo jo zonja ish-Zv/Ministre?”,-iu drejtua deputeti i PD-së Flamur Noka Gjebreas.

Teksa ajo ia ktheu: ”Çfarë do më thënë me këtë ti?? Nuk më intimidon dot mua”.

Debatet

Noka: Ky është buxheti i Habilajve, i krimit. Kanë dalë emra konkret. Apo jo, zonja ish-zv.ministre e Brendshme?!

Gjebrea: Çfarë do të thuash me këtë ti?! Nuk më intimidon dot mua me këto….

Felaj: Nuk keni të drejtë të provokoni asnjë, ne jemi deputetë, jemi të zgjedhur, jemi të barabartë….