Video/ PS ikën, por jo demokratët. Berisha: Shqipëria qendër e krimit rajonal

Politikë E Martë, 10 Gusht 2021 05:50

I njëjti skenar. Seanca e sotme e Kuvendit është ndërprerë tre herë, ndërsa në foltore kësaj here nuk ndodhej kryeopozitari Basha, por kryetari i grupit Parlamentar të LSI-së, Petrit Vasili. Ndërsa i mbaroi fjala, kryetari Gramoz Ruçi e ftoi të braktiste foltoren.

Vasili tha se kjo është salla e tyre pasi ky parlament e kishte humbur legjitimitetin, por ndërkohë që opozitarët flisnin e hidhnin akuzat, kryeparlamentari Ruçi vendosi të hapë votimin për pr.ligjet.

Pas votimit të tyre, mazhoranca u largua nga Kuvendi, por opozita vijon të qëndrojë, ku pas Flamur Nokës në foltoren e Kuvendit të boshatisur është ngjitur ish-kryeministri Sali Berisha, fjalimi i të cilit po transmetohet drejtëpërsëdrejti nga faqja e tij zyrtare në rrjetin social “Facebook”.