Vullnetarizmi, Meta: ”Aleanca e Dhurimit të Gjakut”, mision që shpëton jetë

Presidenti i Shqipërisë, Ilir Meta, në Ditën Ndërkombëtare të Vullnetarizimit, përmes një postimi në facebook, shprehu falënderime për të gjithë dhuruesit e gjakut, që u bënë pjesë e ”Alenacës për Dhurimin e Gjakut”, e iniciuar nga Presidenca.

Më tej Kreu i Shtetit, shkruan se ”Aleanca e Dhurimit të Gjakut”, ështl një kauzë jetike dhe një mision human që shpëton jetë njerëzisht. ”Sot në Ditën Ndërkombëtare të Vullnetarizmit, dua të falënderoj të gjithë ata të rinj e të reja, burra e gra, institucione, shoqata e aktorë të shoqërisë civile, të cilët me vullnetarizëm janë bërë pjesë e ”Aleancës për Dhurimin e Gjakut” duke mbështetur këtë kauzë jetike, nisur nga nevoja dhe misioni human për të shpëtuar jetë njerëzish”.

Në fund, Presidenti dha mesazhin se dhurimi i gjakut është një proces 100% i sigurtë dhe një proces tepër i shëndetshëm, ”sidomos për të rinjtë dhe për të rejat, të cilët unë besoj do vijojnë me vullnetarizëm të bëhen edhe promovuesit kryesorë të kësaj Aleance dhe të këtij solidariteti njerëzor”.

Postimi i plotë

Sot në Ditën Ndërkombëtare të Vullnetarizmit, dua të falënderoj të gjithë ata të rinj e të reja, burra e gra, institucione, shoqata e aktorë të shoqërisë civile, të cilët me vullnetarizëm janë bërë pjesë e ”Aleancës për Dhurimin e Gjakut” duke mbështetur këtë kauzë jetike, nisur nga nevoja dhe misioni human për të shpëtuar jetë njerëzish. Dhurimi i gjakut është një proces 100% i sigurtë dhe një proces tepër i shëndetshëm, sidomos për të rinjtë dhe për të rejat, të cilët unë besoj do vijojnë me vullnetarizëm të bëhen edhe promovuesit kryesorë të kësaj Aleance dhe të këtij solidariteti njerëzor.