Xhixho: Qeveria punon për oligarkët, ky është veç fillimi

Nënkryetarja e LSI-së, Erisa Xhixho, ka reaguar për protestën në Rrugën e Kombit, që përfundoi në dhunë dhe shkatërrim të sportelit të pagesës së taksës, vendosur nga koncesionari.

Në një status të postuar në facebook, Xhixho thotë se reagimi erdhi pas arrogancës së një qeverie që nuk njeh popullin e vet. Duke shkruar se qeveria punon për oligarkët, Xhixho thekson se ky është vetëm fillimi.

”Respekte për reagimin qytetar të Kuksianëve kundër arrogancës së një qeverie që nuk njeh popullin e vet. Kjo është shoqëria europiane të cilën aspirojmë, kur qeveria nuk punon për popullin, por për oligarkët kjo është përgjigjja. Ky është vetëm fillimi”.